Prajšli pieratrusy i aryšty ŭ aktyvistaŭ u Pružanach
Siońnia ŭ Pružanach adbylisia pieratrusy ŭ miascovych aktyvistaŭ: u Anatola Dzievianciejčyka, Julii Łaptanovič i ŭ jaje baćkoŭ. Pieratrusy pravodziŭ KDB, paviedamlaje bresckaja «Viasna».
13.10.2021 / 17:22
Paśla hetaha minimum troje čałaviek byli zatrymanyja: Anatol, jaho žonka Aksana (jaje zabrali z pracy) i Jułija Łaptanovič.
Na pieratrus u dom Julii Łaptanovič siłaviki pryjšli adrazu sa słužbaj apieki. U žančyny i jaje muža-palitviaźnia troje dziaciej, jakich raniej (pa słovach samoj Julii) užo pahražali adabrać z-za aktyŭnaj žyćciovaj pazicyi. Muža Julii — Ihara — asudzili na 2,5 hoda kałonii pa «karahodnaj» spravie i za «paklop» na siabroŭ vybarčaj kamisii. Adnak zabrać dziaciej u Łaptanovičaŭ padstaŭ nie znajšłosia: ich adrazu ŭziała da siabie maci Julii, na jakuju zahadzia była aformlena davieranaść.
Ź jašče adnoj aktyvistkaj z Pružanaŭ, Hannaj Baran, niama suviazi.