Ministr finansaŭ paabiacaŭ, što ŭ 2022 hodzie zarobki vyrastuć
U nastupnym hodzie rost zarpłaty budzie ŭ lubym razie. Pra heta ministr finansaŭ Biełarusi Juryj Sielivierstaŭ raskazaŭ u efiry ANT.
10.10.2021 / 22:05
Pa słovach ministra, ź biudžetam biahučaha hoda ŭsio budzie dobra. Pry jaho farmiravańni zychodzili z kansiervatyŭnych acenak. Niejkich zbojaŭ, niepłaciažoŭ, nievykanańnia dziaržavaj svaich abaviazacielstvaŭ nie budzie. Jak i pryniaćcia niejkich dadatkovych mier, jakija adabjucca na dabrabycie hramadzian.
Biudžet na 2022 hod płanujuć taksama va ŭmovach ekanomii, uličvajučy kansiervatyŭnyja scenary. Hrupujuć usie dachody, admaŭlajucca ad vydatkaŭ, ź jakimi možna pačakać, kab maksimalna zastavacca ŭ bałansie. Nieabchodna taksama farmavać reziervy: śviet jašče nie vyjšaŭ z pandemii. Pry hetym Sielivierstaŭ padkreśliŭ, što rost zarabotnaj płaty ŭ lubym razie budzie.
— Jon budzie mieć i realnaje značeńnie, to-bok budzie vyšejšy, čym inflacyja, — udakładniŭ ministr.