U videaapieratara, jaki supracoŭničaje z DW, prajšoŭ pieratrus pa spravie ab teraryźmie
U videaapieratara Jahora Kamaroŭskaha, jaki supracoŭničaŭ z Deutsche Welle, 1 kastryčnika prajšoŭ pieratrus pa kryminalnaj spravie. Pra heta DW paviedamiŭ baćka žurnalista. Pavodle jaho słoŭ, u pastanovie pra pieratrus paznačany artykuły kryminalnaha kodeksa «Naŭmysnyja źniščeńnie abo paškodžańnie čužoj majomaści», a taksama — «Akt teraryzmu».
01.10.2021 / 20:14
U pracesie pieratrusu kanfiskavali ŭsiu techniku, a taksama paśviedčańnie pazaštatnaha supracoŭnika Deutsche Welle. Razam z tym, jak adznačyŭ baćka Kamaroŭskaha, aficyjna ni padazreńnie, ni abvinavačańnie pa kryminalnaj spravie Jahoru pakul nie pradjaŭlenyja.
Ciapier Jahor Kamaroŭski znachodzicca na Akreścina. Jon byŭ zatrymany ŭviečary 28 vieraśnia ŭ Minsku. Na nastupny dzień jaho asudzili na 14 sutak administracyjnaha aryštu za «chulihanstva».