Kolki biełarusy atrymali hrašovych pieravodaŭ z-za miažy, a kolki dasłali
U krasaviku-červieni pavialičylisia sumy hrašovych pieravodaŭ jak u Biełaruś, tak i z našaj krainy. Nacbank apublikavaŭ źviestki ab hrašovych pieravodach, zroblenych praź mižnarodnyja sistemy. U spravazdačy ŭličany pieravody praz Western Union, Junistrym, Załatuju Karonu, Money Gram, Contact, Ria Money Transfer, Śbierbank Anłajn.
29.09.2021 / 11:20
Pieravody, atrymanyja ŭ Biełarusi z-za miažy, u druhim kvartale skłali 90 miljonaŭ 271 tysiaču 352 dalary (u pieršym kvartale — 85 miljonaŭ 716 tysiač 137 dalaraŭ).
Hrošy z-za miažy atrymlivali z Rasii (usiaho 25,7 miljona dalaraŭ), ZŠA (15,99 miljona), Izraila (6,4 miljona), Niamieččyny (4,1 miljona), Kazachstana (3,4 miljona), Ukrainy (3,2 miljona), Polščy (1,8 miljona), Litvy (1,2 młn).
Nacbank paviedamlaje, što siaredniaja suma adnaho pieravodu atrymanaha z-za miažy składaje 308,65 dalara (u studzieni-sakaviku było 298,86 dalara).
A voś suma pieravodu, adpraŭlenaha ź Biełarusi ŭ druhim kvartale skłała 404,21 dalara (u pieršym kvartale — 348,71). Usiaho ź Biełarusi ŭ druhim kvartale adpravili ŭ ekvivalencie 59,7 młn dalaraŭ (u pieršym — 49,658 młn).