Na kalcavoj u Minsku zaharełasia aŭto — zahinuli čacviora
Na MKAD adbyłosia ŭzharańnie aŭtamabila, z-za čaho ŭ rajonie 19-ha km unutranaha kalca MKAD utvaryŭsia zator, paviedamlaje DAI Minska.
26.09.2021 / 16:28
Kala 14:30 26 vieraśnia na 19-m kiłamietry ŭnutranaha kalca MKAD adbyłosia sutyknieńnie fury i troch aŭtamabilaŭ: Mercedes, Honda i Citroën.
U vyniku ŭdaru Citroën zahareŭsia. Kiroŭca i troje pasažyraŭ nazvanaha aŭtamabila pamierli na miescy zdareńnia. Asoby zahinułych vyśviatlajucca.
Ruch pa ŭnutranym kalcy ad Partyzanskaha praśpiekta ŭ bok Kižavatava zachoŭvajecca z pieraškodami, na ŭčastku ŭtvarylisia zatory.