Makiej sustreŭsia z hienieralnym sakratarom AAN
Uładzimir Makiej u ramkach 76-j siesii Hienasamblei AAN sustreŭsia z hienieralnym sakratarom Arhanizacyi Abjadnanych Nacyj Antoniu Huteryšam.
26.09.2021 / 09:34
Jak paviedamlaje MZS, baki abmiarkoŭvali pytańni refarmavańnia arhanizacyi, układ Biełarusi ŭ spravu pavyšeńnia i značeńnia AAN u śviecie, a taksama prablemy ŭ adnosinach našaj krainy i Abjadnanych Nacyj.
Uładzimir Makiej prainfarmavaŭ Antoniu Huteryša ab raźvićci ŭnutrypalityčnaj situacyi ŭ Biełarusi i pracesach, źviazanych z abmierkavańniem kanstytucyjnych pieraŭtvareńniaŭ u krainie.
Ministr taksama paviedamiŭ hienieralnamu sakrataru pra abvinavačvańni na adras aficyjnaha Minska ŭ pravakavańni ryzyk, u tym liku ŭ halinie mihracyi. Jon nazvaŭ ich iłžyvymi. Taksama Makiej raskazaŭ pra stanovišča na miažy i ŭzajemadziejańnie z pradstaŭnikom Upraŭleńnia Viarchoŭnaha kamisara AAN pa spravach biežancaŭ.