U Śvietłahorsku žančyna piać hadzin razmaŭlała z kibiermachlarami i zastałasia biez 13 tysiač rubloŭ
Žančynie patelefanavali «supracoŭniki banka» i prapanavali pryniać udzieł u śpiecapieracyi. Dla hetaha treba było ŭziać na svajo imia kredyty ŭ piaci bankach i pieravieści hrošy na śpiecyjalny rachunak.
24.09.2021 / 14:50
Hetymi hrašyma pavinien byŭ zavałodać «niesumlenny supracoŭnik banka», paśla čaho jaho b vyjavili, a apieracyja b skončyłasia.
Pieršaja razmova žančyny z machlarami doŭžyłasia cełych piać hadzin. U vyniku jaje całkam pierakanali i pradyktavali ŭsie patrebnyja dziejańni, paŭtarajučy, što jana nie pavinna ŭ bankach zhadvać sapraŭdnuju metu atrymańnia kredytu, kab nie sarvać «apieracyju».
U vyniku śvietłaharčanka nabrała piać kredytaŭ na 13 tysiač rubloŭ, jakija paśla pieraviała machlaram i čakała sihnału ab skančeńni «śpiecapieracyi». Nie dačakaŭšysia jaho, jana zrazumieła, što jaje padmanuli, i pajšła ŭ milicyju.