Padatkaabkładańnie pradprymalnikaŭ źmienicca z 2023 hoda
Padychody da padatkaabkładańnia pradprymalnikaŭ źmieniacca z 2023 hoda, paviedamlajuć «Minsk-Naviny» pa vynikach kruhłaha stała, arhanizavanaha biznes-sajuzami z udziełam pradstaŭnikoŭ ministerstvaŭ.
21.09.2021 / 09:12
Meta karekcirovak — stymulavańnie ekanamičnaj dziejnaści subjektaŭ haspadarańnia. Ułady płanujuć ustalavać vyraznuju hradacyju katehoryj małoha i siaredniaha biznesu i prymianiać adpaviedny miechanizm padatkovych vyniatkaŭ.
Pry hetym płanujecca nie pavyšeńnie samich padatkaŭ, a pavieličeńnie ŭdziełu płacielščykaŭ u ich vypłacie.
Jak śćviardžajuć ułady, suma padatkovych adličeńniaŭ pavinna być supamiernaj atrymanym dachodam.
Što razumiejuć pad «pavieličeńniem udziełu ŭ vypłacie padatkaŭ», nie paviedamlajecca.