«Hazpram» vykupiŭ tolki tracinu ad prapanavanaj tranzitnaj mahutnaści hazapravoda «Jamał—Jeŭropa», jaki idzie praź Biełaruś
Heta pahražaje rezkim źnižeńniem dachodu ad tranzitu.
21.09.2021 / 07:55
Pra heta śviedčać vyniki aŭkcyjonaŭ braniravańnia na kastryčnik, piša «Interfaks».
Paśla skančeńnia hadavoj broni ŭ vieraśni 2021 hoda «Hazpram» pakul nie rabiŭ dalejšych braniravańniaŭ na hod i kvartał napierad, adznačajučy, što maje karotkaterminovyja instrumienty dla braniravańnia. Płanavanaje źnižeńnie tranzitu praź Biełaruś źviazana z chutkim puskam novaha hazapravoda pa dnie Bałtyjskaha mora «Paŭnočny patok — 2», paśla zapusku jakoha nie treba budzie płacić krainam-tranziciorkam.
Padobnyja kroki «Hazprama» pahražajuć rezkim źnižeńniem dachodaŭ ad tranzitu paliva i skaračeńniem padatkaŭ ad kampanii «Hazpram transhaz Biełaruś». Ekanomika Biełarusi moža niedaličycca socień miljonaŭ dalaraŭ.