BAŽ źviarnułasia ŭ MUS, Minzdaroŭja, DVP z prośbaju špitalizavać Andreja Pačobuta

Zvarot z prośbaju špitalizavać zatrymanaha 25 sakavika palitviaźnia, žurnalista Andreja Pačobuta, jaki ŭ turmie zachvareŭ na kavid, a da taho ž maje prablemy z sercam, nakiravany Biełaruskaj asacyjacyjaj žurnalistaŭ u Ministerstva ŭnutranych spraŭ, Ministerstva achovy zdaroŭja, Departamient vykanańnia pakarańniaŭ i jaho strukturnyja padraździaleńni — Upraŭleńnie pa Minsku i Minskaj vobłaści, u turmu №8 u Žodzinie, dzie i ŭtrymlivajecca žurnalist.

17.06.2021 / 11:50

«Andrej Pačobut maje zachvorvańni sardečna-sasudzistaj sistemy. Zachvorvańnie na karanavirus u tych umovach, u jakich jon znachodzicca (u tym liku abmiežavańni siadzieć abo lažać u kamiery na praciahu dnia), stavić pad pahrozu zachavańnie zdaroŭja i navat žyćcio Andreja. Akramia taho, pad ryzykaj zaražeńnia akazvajucca ŭsie ludzi, jakija znachodziacca ŭ adnoj ź im kamiery, supracoŭniki papraŭčaj ustanovy», — havorycca ŭ zvarocie.

BAŽ prosim nieadkładna špitalizavać žurnalista i zabiaśpiečyć jamu nieabchodnuju miedycynskuju dapamohu.