Prychilniki Trampa ŭvarvalisia ŭ Kapitolij, dzie pavinny byli abviaścić vyniki vybaraŭ
06.01.2021 / 23:37
U Kanhresie ZŠA 6 studzienia pavinny byli zacvierdzić vyniki vybaraŭ prezidenta krainy. Adnak prychilniki Trampa zładzili pratesty kala budynka, a paźniej — uvarvalisia ŭnutr. Pasiadžeńnie było adkładziena.
Dniom 6 studzienia prychilniki Trampa sabralisia la budynka Kanhresa ZŠA na pratesty z-za vynikaŭ vybaraŭ u ZŠA. Jany ŭčynili bojku z palicejskimi, jakija stajali ŭ ačapleńni.
Paźniej pratestoŭcy prarvalisia ŭ budynak Kanhresa i sarvali pasiadžeńnie parłamienta ZŠA, na jakim pavinny byli zacviardžać vyniki prezidenckich vybaraŭ. Palicyja sprabuje razahnać pratestoŭcaŭ z dapamohaj ślezaciečnaha hazu.
Vice-prezidenta ZŠA Majka Piensa i śpikiera pałaty pradstaŭnikoŭ Nensi Pełasi evakujavali z budynka Kanhresa.
Dziejny prezident ZŠA Donald Tramp źviarnuŭsia da pratestoŭcaŭ i paprasiŭ ich pratestavać mirna.
U sieradu, 6 studzienia, Kanhres ZŠA pavinien byŭ zacvierdzić vyniki vybaraŭ prezidenta ZŠA. Raniej vyniki abviaściła kalehija vybarščykaŭ. Zhodna ź imi, kandydata ad Demakratyčnaj partyi Džozefa Bajdena padtrymali 302 vybarščyki, Trampa — 232 čałavieki. Dla pieramohi dastatkova 270 hałasoŭ vybarščykaŭ. Tramp nieadnarazova sprabavaŭ abskardzić vyniki hałasavańnia ŭ asobnych štatach.