«ЛНР» пазбавіла ўкраінскую мову статусу дзяржаўнай
03.06.2020 / 13:34
Парламент г. зв. Луганскай народнай рэспублікі (ЛНР) унёс папраўкі ў «Канстытуцыю», якія замацоўваюць за рускай мовай статус адзінай дзяржаўнай.
«Народны савет» падтрымаў ініцыятыву кіраўніка «ЛНР» Леаніда Пасечніка і прыняў унесены ім законапраект, які абвяшчае рускую адзінай дзяржаўнай мовай. Да гэтага ў рэспубліцы іх было дзве — руская і ўкраінская.
За прыняцце паправак прагаласавалі 42 народныя дэпутаты, супраць ніхто, адзін устрымаўся.