Pasłuchajcie, jak hučyć novaja biełaruskaja muzyka. Finalisty konkursu «Zaśpiavaj-6» u studyi Belsat Music Live VIDEA
abiary najlepšaha
Žyvy vystup u teleefiry — apošniaje vyprabavańnie paśla troch etapaŭ konkursu maładych vykanaŭcaŭ «Zaśpiavaj-6». U samym pačatku ich było 43, u finał vyjšli tolki čacviora.
07.05.2020 / 20:06
I mienavita hledačy vyrašać, chto z hetych čatyroch vykanaŭcaŭ atrymaje adnu z pačesnych uznaharodaŭ — pryz hladackich simpatyjaŭ. LEAR, «junost», Maryja Čaprasava ci «PyLai»?
Pieśni, jakija hučać u prahramie:
- Lear — «Płanieta znasiła svaju arbitu» (muzyka Valeryi Suravickaj, słovy Vitala Ryžkova)
- «junost» — «Viartajsia» (muzyka Hieorhija Davydziana i Ivana Tamiły, słovy Vitala Ryžkova)
- Maria Cheprasova — «Horad viosak» (muzyka Maryi Čaprasavaj i Kiryła Danšyna, słovy Antona Rudaka)
- «PyLai» — «Mafija» (muzyka Ryhora Łajkova i Uładzimira Pylčanki, słovy Viktara Žybula)
Na kanale ŭ YouTube možna pasłuchać muzyčnuju častku prahramy. U poŭnaj ž viersii, jakaja raźmieščana ŭ supołkach BML u Facebook i Ukantakcie, finalisty «Zaśpiavaj-6» u razmovie z Miraju Šulc raspaviadajuć pra siabie, svaju tvorčaść i toje, jak konkurs pamianiaŭ ich žyćcio. U kancy vypusku vy daviedajeciesia imia pieramožcy konkursu pa mierkavańni žury, ale los pryza hladackich simpatyj jašče nie vyrašany.
Kab prahałasavać, nazyvajcie imia vykanaŭcy, jaki najbolš vam spadabaŭsia, u kamientarach na YouTube, «UKantakcie» i Facebook!
Poŭnaja viersija tut:
UKantakcie — vk.cc/atEQV4
Facebook — bit.ly/zaspiavaj6
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć z viadučymi pra svaju tvorčaść.