U Vilejcy zjavicca viełaparkoŭka ŭ vyhladzie sudaka FOTA
21.01.2020 / 16:59
Fota Ihara Kicikava
Pra heta «Rehijanalnaj haziecie» raskazaŭ dyrektar Vilejskaha dziaržaŭnaha kaledža Ihar Kicikaŭ. Viełaparkoŭku ŭračysta adčyniać 23 studzienia. Ź jaje pačniecca tradycyjny dzień Sudaka. Sioleta śviata nazvali «Sudak — kaledža smak».
— Navučency i vykładčyki našaha kaledža časta jeździać na rovarach. I choć viełaparkoŭki jość kala ŭsich vučebnych karpusoŭ i la internataŭ, miescaŭ usim nie chapaje. Paśla mazhavoha šturmu majstroŭ Valeryja Aparyka, Alaksandr Łapo i Jaŭhiena Rusaka vyrašyli zrabić viełaparkoŭku ŭ vyhladzie sudaka, — kaža dyrektar.
Ihar Kicikaŭ pierakanany: sudak — samaja smačnaja i samaja pryhožaja ryba ŭ Vilejskim vadaschoviščy.
Majstry napružana papracavali try dni. I siońnia viełaparkoŭka ŭžo hatovaja. Jana — daŭžynioj try z pałovaj mietry. Miesca tut chopić dla siami-dziesiaci rovaraŭ.