Kreml łahodna adkazaŭ na zajavu Łukašenki pra toje, što jon pryhladajecca da amierykanskaj i arabskaj nafty
25.12.2019 / 13:38
Pres-sakratar prezidenta Rasii Dźmitryj Piaskoŭ prakamientavaŭ vykazvańnie Alaksandra Łukašenki pra pošuki alternatyŭ rasijskaj nafty.
Nahadajem, Łukašenka papiaredziŭ, što pry adsutnaści damoŭlenaściaŭ Minsk moža reviersam pampavać amierykanskuju i arabskuju naftu ŭ Biełaruś praz Polšču.
U Kramli zajavili, što Rasija nie budzie ničoha naviazvać siłaj, tamu Biełaruś moža karystacca lubymi alternatyvami.
«Kali isnujuć niejkija bolš vyhadnyja varyjanty dla Biełarusi, viadoma, jana volnaja skarystacca lubymi varyjantami, — cytuje Piaskova TASS. — U hetym vypadku my nie chočam prypadabniacca adnoj viadomaj krainie, jakaja pakupnikam siłaj naviazvaje svaju pradukcyju, jakaja značna daražejšaja za tuju, što jość na rynku».