«Biełaruś», a nie «Biełoruśsija»: błohier Uład Bumaha vučyć pravilna nazyvać krainu
30.05.2019 / 17:51
30 maja amal 5 miljonaŭ instahram-karystalnikaŭ daviedalisia niekalki biełaruskich słoŭ i atrymali zaprašeńni ŭ Biełaruś. Papularnyja błohiery — Dzima Jermuzievič, Jula Hadunova, Uład Šudziejka i Ildar Chabibulin — raspaviali svaim padpisčykam pra toje, što im padabajecca ŭ našaj krainie, a Uład Bumaha nahadaŭ, jak pravilna jana nazyvajecca.
Błohiery pryznajucca, što natchnilisia kampanijaj brenda «Bieły polus», jaki vučyć zamiežnikaŭ biełaruskim słovam na pakunkach vałoškavaha marožanaha i ŭ instahram-profili @belypolus. Inicyjatar prajekta płanuje taksama raźmiaścić biłbordy ź biełaruskimi frazami i ich pierakładam na anhielskuju movu ŭ aeraporcie, la čyhunačnaha vakzała i ŭ inšych miescach kancentracyi zamiežnikaŭ. Jak adznačaje namieśnik dyrektara pa markietynhu «Biełaha polusa» Maksim Žurovič, meta takoj kampanii — paznajomić zamiežnika ź Biełaruśsiu praz usie «moŭnyja receptary»: jak vasilkovaje marožanaje, tak i słovy na biełaruskaj movie.
«Kali zamiežniki pryjazdžajuć u našu krainu, im tut ža prapanujuć pajechać u Niaśvižski zamak i pakaštavać draniki, — kamientuje Maksim Žurovič. — My lubim kłasiku, ale adkryvajem turystam roznyja baki Biełarusi. Chočam, kab zamiežnik u kamplekcie z mahnicikam pavioz z saboj kałarytnuju biełaruskuju frazu, pramaŭlajučy jakuju, uspaminaŭ by smak i charaktar našaj krainy. Tamu pravodzim likbiez, zaprašajem u Biełaruś zamiežnikaŭ i dziakujem usim lidaram mierkavańniaŭ, jakija padtrymali i jašče padtrymajuć nas u hetaj spravie».
Daviedka
Vasilkovaje maroziva «Bieły polus Vałoška» — płambir z dadańniem kvietak vasilka i nasieńnia lonu ŭ žytnim kubačku. Vasilok, žyta i lon — papularnyja kulturnyja simvały Biełarusi: siońnia, jak i tysiačy hadoŭ nazad, jany kožny hod prarastajuć na miascovych palach. Zadumka vytvorcaŭ — stvaryć nacyjanalny desiert, jaki turyst pasprabuje tolki ŭ Biełarusi i ŭ litaralnym sensie adčuje krainu na smak.