У Літве хочуць увесці штрафы для крам за бясплатныя поліэтыленавыя пакеты
28.05.2019 / 18:30
Міністэрства аховы навакольнага асяроддзя Літвы прапануе караць гандляроў за бясплатную раздачу аднаразовых поліэтыленавых пакетаў. Прадстаўніца міністэрства сказала, што адпаведныя папраўкі неўзабаве абмяркуе ўрад, а калі ён іх ўхваліць — то іх перададуць на абмеркаванне ў парламент, піша Delfi.
Паводле паправак да Кодэкса адміністрацыйных правапарушэнняў Літвы, прапануецца штрафаваць кампаніі за бясплатную раздачу аднаразовых поліэтыленавых пакетаў на суму ад 10 да 200 еўра.