Zjaviŭsia novy kvest #razmovapobač: šukaj biełaruskamoŭnych vakoł siabie
23.05.2019 / 14:57
Lubiš vykliki i čelendžy? Art Siadziba i SAY.BY zapuskajuć hulniu Źbiraj #razmovapobač.
Źviartajsia ŭ kramach, kaviarniach, aptekach, transparcie — paŭsiul, dzie mahčyma, — pa-biełarusku. I naziraj za reakcyjaj. Kali pačuješ biełaruskuju movu ŭ adkaz, fotkaj miesca, pišy pra heta:
• abo ŭ svaim fejsbuku z chešteham #razmovapobač. Ustupaj u supołku @razmovapobač, kab bačyć inšych udzielnikaŭ, dzialicca i adkryvać dla siabie bolš miescaŭ z žyvoj biełaruskaj movaj!
• abo ŭ historyi instahrama: adznačaj akaŭnty @artsiadziba i @say.belarus i nie zabyvajsia pra chešteh #razmovapobač
Usio, ty ŭ hulni! Pahladzim, kolki biełaruskaj movy vakoł nas! Udzielničać možna z luboj kropki našaj krainy. Najlepšyja i najcikaviejšyja historyi buduć uznaharodžanyja! Pieršaje ŭručeńnie pryzoŭ projdzie na «Paśpiachovym feście» 26 traŭnia ŭ kaviarni «Hraj».