Бэнксі ўзяў удзел у Венецыянскай біенале без дазволу ВІДЭА

23.05.2019 / 11:21

Вулічны мастак Бэнксі нелегальна выставіў інсталяцыю Venice in Oil на біенале ў Венецыі. Відэа, на якім паказана яго праца, ён апублікаваў у сваім Instagram.

Посмотреть эту публикацию в Instagram

. Setting out my stall at the Venice Biennale. Despite being the largest and most prestigious art event in the world, for some reason I’ve never been invited.

Публикация от Banksy (@banksy)

«Нягледзячы на ​​тое што гэта найбуйнейшае і самае прэстыжнае мерапрыемства ў свеце мастацтва, па нейкай прычыне мяне ніколі сюды не запрашалі», — напісаў Бэнксі пад публікацыяй.

На роліку прадстаўлена інсталяцыя мастака: некалькі карцін, на якіх намаляваны розныя часткі круізнага лайнера ў венецыянскім порце. Відэа заканчваецца тым, што супрацоўнікі паліцыі праганяюць мужчыну, што выставіў палотны. Гэтая праца — заклік мастака звярнуць увагу на праблему забруджвання навакольнага асяроддзя, бо такія караблі скідаюць адходы проста ў ваду і псуюць марскую флору і фаўну.