Беларускае журы на Еўрабачанні адхілілі ад галасавання ў фінале
дапоўнена
18.05.2019 / 19:14
Еўрапейскі вяшчальны саюз (EBU) пацвердзіў выданню Eurovoix, што беларускае журы адхілілі з фіналу Еўрабачання.
Гэта звязана з тым, што сябры журы з Беларусі ў інтэрв'ю Tut.by раскрылі, за каго яны прагаласавалі падчас першага паўфіналу конкурсу ў аўторак. Гэта супярэчыць правілам Еўрабачання, якія прадугледжваюць, што вынікі паўфіналаў не могуць быць апублікаваныя да заканчэння гранд-фіналу.
У фінале Беларусь усё адно будзе галасаваць, аднак пры размеркаванні балаў будуць улічвацца толькі галасы тэлегледачоў.