Litva abiacaje kožnamu žycharu 1000 jeŭra za admovu ad staroha aŭto

11.04.2019 / 18:13

Ministr navakolnaha asiaroddzia Litvy paviedamiŭ, što paśla zacviardžeńnia płana skaračeńnia zabrudžvalnych vykidaŭ žycharam za admovu ad staroha aŭtamabila možna budzie vypłačvać 1000 jeŭra ŭ ramkach zaachvočvańnia kupli novaha aŭto, paviedamlaje Delfi.

«Treba dapamahčy ludziam admovicca, i my ličym, što hetaja matyvujučaja ličba pavinna być kala tysiačy jeŭra, pry admovie ad staroha aŭtamabila i kupli novaha», — skazaŭ ministr Kiastucis Mažejka.

U razhledžanych kabinietam ministraŭ Litvy ŭ sieradu mierapryjemstvach pa skaračeńni zabrudžvalnych vykidaŭ na takoje finansavaje zaachvočvańnie praduhledžana vyłučyć z dziaržbiudžetu 30 młn jeŭra.

Žychary, jakija admovilisia ad zabrudžvalnych aŭtamabilaŭ, taksama zmohuć atrymać ilhoty na hramadski transpart.