У Бабруйску мужчыну, што заснуў на рэйках, не разбудзіў нават цягнік, які ехаў над ім
10.04.2019 / 19:13
Над мужчынам, што заснуў у Бабруйску на рэйках, праехаў цягнік Мінск — Гомель і нават не зачапіў яго. Інцыдэнт адбыўся на перагоне Бярэзіна-Бабруйск у ноч з 7 на 8 красавіка.
П'яны малады чалавек спаў у каляіне і не чуў гукавых сігналаў, якія падаваў машыніст. Ён экстрана затармазіў. Работнікі чыгункі вынялі мужчыну з-пад саставу. Ніякіх траўмаў ён не атрымаў і пайшоў дадому.
Асоба мужчыны высвятляецца.