Лідчанін пракалоў 23 шыны, каб выратавацца ад выхлапных газаў

10.04.2019 / 18:22

9 красавіка ў Лідзе было здзейснена хуліганства. Раніцай уладальнікі шаснаццаці аўтамабіляў выявілі, што нехта пракалоў дваццаць тры шыны, паведамляе МУС.

На месца прыбылі супрацоўнікі Лідскага РАУС. У поле зроку трапіў мясцовы 54-гадовы жыхар. Пры размове з праваахоўнікамі мужчына прызнаўся ў здзейсненым злачынстве. Падазроны растлумачыў, што яму не падабаліся выхлапныя газы, якія ідуць ад транспартных сродкаў.

Цяпер мужчына затрыманы па падазрэнні ў здзяйсненні злачынства. За хуліганства распачата крымінальная справа.