U Breście zatrymany adzin z lidaraŭ inicyjatyŭnaj hrupy pa baraćbie z akumulatarnym zavodam Dźmitryj Biekaluk
07.04.2019 / 20:48
U Breście paśla abiedu 7 krasavika zatrymany adzin z lideraŭ inicyjatyŭnaj hrupy pa baraćbie z akumulatarnym zavodam Dźmitryj Biekaluk. Pra heta paviedamiŭ «BH» pravaabaronca Raman Kiślak.
Siońnia paśla karmleńnia hałuboŭ i prahułki pa centralnych vulicach Bresta Biekaluk pajšoŭ u Leninski RAUS pa poźvie. Jaho vyklikali ŭ jakaści śviedki pa administratyŭnaj spravie aktyvistki Taćciany Fiesikavaj — 31 sakavika jana nibyta razdavała žoŭtyja šary na płoščy Lenina.
Pakul nieviadoma, za što kankretna zatrymali Biekaluka - nie vyklučana, što heta źviazana z siońniašniaj niesankcyjanavanaj akcyjaj suprać zavoda. Dniom ludzi nie prosta prajšli pa vulicach Bresta, ale skandavali łozunhi suprać zavoda.
Za apošni tydzień u Breście byli zatrymanyja aktyvist Majsiej Maźko (na jaho zaviali kryminalnuju spravu, praz 72 hadziny jaho vypuścili), jaho syn Dzianis Maźko (viečaram u niadzielu jaho vypuścili). U minułuju piatnicu sprabavali zatrymać Taćcianu Fiesikavu, ale za jaje zastupilisia ludzi. Žančynie stała drenna, jaje zabrali ŭ balnicu.