За зборную Беларусі на Калядным турніры выступае 6 дзеючых хакеістаў. Іх не было ў першапачатковай заяўцы
05.01.2019 / 11:56
У матчы другога гульнявага дня аматарскага Каляднага турніру зборная Беларусі перамагла каманду Балтыі (9:3).
У гэтай сустрэчы за каманду Аляксандра Лукашэнкі выступіла 6 дзеючых хакеістаў: галкіпер «Юнацтва» Ігар Брыкун, абаронцы «Нёмана» Андрэй Коршунаў і маладзечанскага «Дынама» Канстанцін Дурноў, форварды «Дынама-Маладзечна» Вячаслаў Лісічкін, «Юнацтва» Аляксандр Кулакоў і «Ліды» Максім Слыш.
У першапачатковай заяўцы каманды Лукашэнкі ўсе гэтыя хакеісты не значыліся.