Хлопцу, што зняў відэа, як валаклі жабрака, пагражалі, а сёння ён выдаліўся з «УКантакце» СКРЫНШОТ
20.09.2015 / 17:41
Нагадаем, што ўчора на станцыі метро Уручча міліцыянт валок жабрака па сходах за нагу. Сцэна выклікала выбух гневу людзей у метро.
Сведка Кірыла выклаў відэа з месца падзей у сацыяльныя сеткі. Учора відэа было выдаленае. Сам Кірыла пракаментаваў гэта так: «Я выдаліў пост для поўнага разбору інфармацыі, так што ўсё яшчэ наперадзе!». Таксама ён змяніў прозвішча і пазначанае месца жыхарства.
Праз некалькі хвілін Кірыла выклаў скрыншот з пагрозай у яго бок:
Акаўнт аказаўся фэйкавым, сыходзячы са зместу старонкі.
Але сёння відавочца ўвогуле выдаліў сваю старонку «УКантакце». Чаму — пакуль невядома.