Zaŭtra budzie jašče ciopła
10.03.2015 / 14:09
U bližejšyja sutki, 11 sakavika, z paŭnočnaha zachadu Jeŭropy na terytoryju našaj krainy raspaŭsiudzicca ŭpłyŭ małaaktyŭnaha atmasfiernaha frontu. Jon uščylnić abłoki i vykliča nočču pa paŭnočnym zachadzie, dniom miescami pa krainie nievialikija daždžy.
Tempieratura pavietra ŭnačy panizicca da -2.. +4ºS, dzionnyja maksimumy składuć 6.. + 12ºS, pa paŭdniovym uschodzie krainy pavietra prahrejecca da + 15ºS.
Atmasfierny cisk unačy budzie słaba padać, dniom istotna nie źmienicca.
12 sakavika nadvorje Biełarusi abumović pole panižanaha cisku, na paŭdniovym uschodzie krainy adabjecca ŭpłyŭ atmasfiernych frantoŭ, jakija źmiaščajucca z Čornaha mora. Tamu pa Homielskaj i Mahiloŭskaj abłaściach na bolšaj častcy, na astatniaj terytoryi miescami projduć karotkačasovyja apadki, u asnoŭnym u vyhladzie daždžu. Dniom u asobnych rajonach uzmocnicca paŭnočny viecier. Tempieratura pavietra ŭnačy budzie vahacca ad -2ºS da + 5ºS, udzień maksimalna +3.. +8ºS.
13 sakavika terytoryja Biełarusi budzie znachodzicca pad upłyvam małaruchomych atmasfiernych frantoŭ. Čakajecca vietranaje syroje nadvorje. Časam buduć iści apadki (doždž, miescami z mokrym śnieham). U asobnych rajonach mocny paryvisty viecier. Tempieratura pavietra ŭnačy čakajecca ŭ miežach ad -2ºS da + 5ºS, u dzionnyja hadziny stanie na paru hradusaŭ ciaplej - 1.. + 6ºS.