Ciopła budzie da sierady, ad čacviarha — pachaładańnie
Nadvorje ŭ Biełarusi na hetym tydni budzie niaŭstojlivaje, paviedamiŭ Dźmitryj Rabaŭ.
09.03.2015 / 13:55
Photo by Gabija Barštytė
«U pieršaj pałovie tydnia ŭ bolšaści rajonaŭ zachavajecca ciopłaje nadvorje ź siaredniasutačnaj tempieraturaj pavietra vyšej za normu na 6—10 hradusaŭ. U druhoj pałovie tydnia čakajecca bolš chaładnavataje i syroje nadvorje, tempieratura pavietra krychu panizicca», — skazaŭ jon.
Pieravažna biez apadkaŭ budzie ŭ aŭtorak. Nočču i ranicaj u asobnych rajonach zhuścicca słaby tuman. Tempieratura pavietra ŭnačy składzie ad minus 1 da plus 4 hradusaŭ, udzień prahnazujecca plus 6-12, pa poŭdni miescami da plus 15.
U sieradu z boku Bałtyjskaha mora źmieścicca małaaktyŭny atmasfierny front i pryniasie nočču ŭ paŭnočna-zachodnija, dniom i ŭ niekatoryja centralnyja rajony karotkačasovyja daždžy. Unačy i ranicaj u asobnych rajonach budzie adznačacca słaby tuman. Tempieratura pavietra nočču składzie ad nula da plus 5, dniom - ad 5 da 11 vyšej za nul, pa paŭdniovym uschodzie miescami da plus 13.
«Pačynajučy z čacviarha da nas pačnuć pastupać bolš śviežyja i vilhotnyja pavietranyja masy z Čornaha mora: unačy miescami, udzień pieravažna pa paŭdniovym uschodzie krainy karotkačasovyja apadki ŭ vyhladzie daždžu, mokraha śniehu», - adznačyŭ Dmitryj Rabaŭ.
Nočču tempieratura pavietra składzie ad minus 1 da plus 5, dniom - ad 2 da 8 ciapła, pa ŭschodzie miescami da plus 10.
Jak źviarnuŭ uvahu śpiecyjalist, samyja niepahodnyja dni čakajucca ŭ čacvier i piatnicu, vinoŭnikam hetaha budzie aktyŭny atmasfierny front, jaki pryjdzie z paŭdniovaha ŭschodu.
Jon pryniasie apadki — doždž i mokry śnieh. Unačy i ranicaj miescami prahnazujecca słaby hałalod. Tempieratura pavietra nočču składzie ad minus 1 da plus 4, dniom - ad 1 da 8 ciapła.
U niadzielu, z rostam atmasfiernaha cisku, nadvorje pačnie palapšacca, apadki na bolšaj častcy spyniacca i čakajucca tolki miescami pa krainie ŭ vyhladzie daždžu i mokraha śniehu. Unačy i ranicaj miescami prahnazujecca słaby hałalod.
Tempieratura pavietra nočču składzie ad minus 3 da plus 3, dniom - ad 1 da 7 ciapła.