У мінскім метро мужчына галавой разбіў люстэрка задняга віду ў цягніку
Здарэнне адбылося на станцыі «Плошча Леніна».
04.03.2015 / 14:33
sb.by
Незвычайнае здарэнне адбылося прыкладна а 13:30 на станцыі метро «Плошча Леніна».
Як пішуць у сацыяльных сетках, калі на станцыю прыбываў цягнік, да краю платформы наблізіўся мужчына і разбіў галавой люстэрка задняга віду на цягніку.
«У мужчыны твар у крыві, жывы, аскепкі шкла каля цягніка, цягнік адправілі ў дэпо», — піша ў твітары vitalby.