ЗША абвінавацілі Расію ў парушэнні перамір'я ва Украіне
ЗША абвінавацілі Расію ў парушэнні Мінскага пагаднення аб спыненні агню на ўсходзе Украіны, якое аднагалосна ўхваліла Рада Бяспекі ААН.
18.02.2015 / 07:20
Reuters.com
Віцэ-прэзідэнт ЗША Джо Байдэн заявіў, што калі парушэнні перамір'я працягнуцца, «выдаткі для Расіі ўзрастуць».
Нягледзячы на спыненне агню, баі не слабнуць вакол стратэгічна важнага горада Дэбальцава ў Данецкай вобласці.
Прарасійскія сепаратысты сцвярджаюць, што Мінскае пагадненне не распаўсюджваецца на гэты раён, паколькі групоўка ўкраінскіх урадавых сіл там акружаная і знаходзіцца за лініяй судакранання, дзе па дамоўленасцях баявыя дзеянні павінны быць прыпыненыя.
Расійскі прэзідэнт Уладзімір Пуцін у аўторак таксама сказаў, што ўкраінскія войскі ў Дэбальцаве акружаны і заклікаў іх здацца.