Мінабароны Украіны: Баевікі атрымалі заданне захапіць Дэбальцава і Марыупаль
13.02.2015 / 15:25
Міністэрства абароны Украіны мае інфармацыю, што баевікі на Данбасе атрымалі заданне ад сваіх лідараў і кіраўніцтва Расіі захапіць Дэбальцава і Марыупаль Данецкай вобласці.
Пра гэта журналістам у Кіеве паведаміў намеснік міністра абароны Украіны — кіраўнік апарата Пётр Мяхед.
«Магу сказаць, што з улікам дамоўленасцей 00.00 15 лютага павінен спыніцца агонь. Сепаратысты і расійскія войскі атрымалі, па маёй інфармацыі, задачу падняць сцяг над Дэбальцаваі над Марыупалем. Адпаведна, мы чакаем эскалацыю і прымаем усе мерапрыемствы, каб адбіць гэтыя атакі», заявіў Мяхед.