Меркель не выключыла новых санкцый супраць Расіі

Канцлер Германіі заявіла, што лідары ЕС папрасілі Еўракамісію падрыхтаваць дадатковыя санкцыі, якія могуць быць уведзеныя ў дачыненні да Расіі.

13.02.2015 / 08:23

фота Вадзіма Заміроўскага, tut.by

Выступаючы на прэс-канферэнцыі ў Брусэлі, Меркель заўважыла, што ЕС не выключае ўвядзення новых санкцый у дачыненні да Масквы, калі рэжым спынення агню на ўсходзе Украіны не будзе выконвацца.

Кіраўнік Еўрасавета Дональд Туск пасля заканчэння саміта лідараў краін ЕС растлумачыў, што Еўрасаюз не будзе пераносіць ўвядзенне ўжо ўхваленых санкцый.