Bajeviki abstralali Kramatorsk rakietami «Tarnada»: 11 čałaviek zahinuła VIDEA
10.02.2015 / 14:26
Bajeviki nakryli ahniom z reaktyŭnych sistem «Tarnada» aeradrom i štab ATA u Kramatorsku Danieckaj vobłaści. Pra heta paviedamlaje RBK-Ukraina sa spasyłkaj na pres-centr antyterarystyčnaj apieracyi.
«Udar naniesieny pa štabie, ale druhi załp patrapiŭ pa žyłych kvartałach Kramatorska, jaki nibyta zaraz znachodzicca ŭ tyle», — skazaŭ siońnia Parašenka.
«Siońnia, aryjentavana ŭ 12.30 [13:30 pa Minsku], pa aeradromie h. Kramatorsk terarystami byŭ naniesieny ahniavy ŭdar z reaktyŭnych sistem załpavaha ahniu BM-21 «Hrad». Pavodle papiarednich źviestak, ahoń vioŭsia z vykarystańniem snaradaŭ «Tarnada», z rajona nasielenaha punkta Horłaŭka», — havorycca ŭ paviedamleńni.
Jak adznačyli ŭ štabie, snarady trapili pa aeradromie, a taksama pa pryvatnym siektary na ŭskrainach Kramatorska.
Paviedamlajecca, što prynamsi 11 čałavieki zahinuli, dziasiatki paranienyja.