Абвешчаны поўны спіс намінантаў на прэмію Гедройца
09.02.2015 / 14:15
Прэмію Гедройца за 2013 г. (у чэрвені 2014 г.) атрымаў Ігар Бабкоў, фота Сяргея Гудзіліна.
Абвешчаны поўны спіс намінантаў на 4-ю літаратурную прэмію імя Ежы Гедройца.
У спісе 42 кнігі:
1. Сяргей Абламейка. Настальгія. — Мінск: «Галіяфы»
2. Ядвіга Адамчык. СТО грам гіСТОрый. — Вільня: «Логвінаў»
3. Алесь Аркуш. Мясцовы час. — Полацк: «Полацкае ляда»
4. Генадзь Аўласенка. Ключ, які нічога не адмыкае. — Мінск: «Мастацкая літаратура»
5. Таццяна Барысік. Жанчына і леапард. — Мінск: «Кнігазбор»
6. Альгерд Бахарэвіч. Каляндар Бахарэвіча. — Мінск: «Радыё Свабода»
7. Альгерд Бахарэвіч. Ніякай літасці Альгерду Б. — Мінск: «Галіяфы»
8. Альгерд Бахарэвіч. Дзеці Аліндаркі. — Мінск: «Галіяфы»
9. Аляксандар І. Бацкель. Маёнтак рыбы. — Вільня: «Логвінаў»
10. Міхась Баярын. Самабыццё. — Мінск: «Логвінаў»
11. Алена Беланожка. Чамадан з кракадзілавай скуры. — Мінск: Выдавецкі дом «Звязда»
12. Антон Францішак Брыль. Ян Ялмужна. — Мінск: «Кнігазбор»
13. Анатоль Бутэвіч. Пацалунак на фоне гор. — Мінск: «Мастацкая літаратура»
14. Алесь Бяляцкі. Іртутнае срэбра жыцця. — Мінск
15. Алесь Бяляцкі. Халоднае крыло радзімы. — Вільня
16. Віталь Воранаў. Шэптам. — Беласток: «Wschodzący Białystok»
17. Уладзімір Гніламёдаў. Валошкі на мяжы. — Мінск: «Мастацкая літаратура»
18. Андрэй Гуцаў. Кніга зданяў. — Мінск: «Кнігазбор»
19. Сяргей Дубавец. Сіні карабель у блакітным моры плыве. — Мінск: «Каўчэг»
20. Алег Ждан. Трэба цярпець. — Мінск: «Мастацкая літаратура»
21. Анатоль Казлоў. Той, хто абганяе сны. — Мінск: «Мастацкая літаратура»
22. Віктар Казько. Час збіраць косці. — Мінск: «Кнігазбор»
23. Барыс Крэпак. Вяртанне імёнаў: нарысы пра мастакоў. — Мінск: «Мастацкая літаратура»
24. Анатоль Кудласевіч. Трынаццаць дзён. — Мінск: «Галіяфы»
25. Віктар Ліцвінаў. Жыццё планктону. — ЗША: «Lilu Press»
26. Уладзімір Мажылоўскі. Праклён мітрапаліта Феафіла. — Мінск: Выдавецкі дом «Звязда»
27. Віктар Марціновіч. Мова. — Мінск: «Кнігазбор»
28. Неролі. Нявеста-пачвара. — Мінск: BYBOOKS
29. Уладзімір Несцяровіч. Круты ўзлёт. — Мінск: «Галіяфы»
30. Аляксей Палачанскі. Мой цвік. — Мінск: «Галіяфы»
31. Мікалай Пашкевіч. Вера. — Брэст: «Альтэрнатыва»
32. Пістончык. Дэгенератыўны слоўнік. — Цярнопаль: «Крок»
33. Маргарыта Прохар. Восень у Вільнюсе. — Мінск: «Мастацкая літаратура»
34. Людміла Рублеўская. Авантуры студыёзуса Вырвіча. Авантуры драгуна Пранціша Вырвіча. — Мінск: Выдавецкі дом «Звязда»
35. Уладзімір Саламаха. І няма шляху чужога. — Мінск: «Мастацкая літаратура»
36. Раман Свечнікаў. Рома едзе. Кніга I. — Вільня: 34mag.net / «Логвінаў»
37. Павел Севярынец. Беларуская глыбіня. — Вільня: «Логвінаў»
38. Ілля Сін. Белетрыстыка. — Мінск: «Макулатура» / «Каўчэг»
39. Юры Станкевіч. Брамнік заўжды самотны. — Мінск: «Галіяфы»
40. Аляксей Талстоў. Валацугі. — Вільня: 34mag.net / «Логвінаў»
41. Васіль Ткачоў. Высокі страх. — Мінск: «Мастацкая літаратура»
42. Алесь Усеня. Грэх. — Мінск: «Медысонт».
Да 1 красавіка будзе абнародаваны «доўгі спіс» з 12 кніг, да 15 красавіка журы (Уладзімер Арлоў, Ігар Бабкоў, Малгажата Бухалік, Адам Глобус, Ганна Кісліцына, Андрэй Федарэнка, Ціхан Чарнякевіч, Ганна Янкута) вызначыць 6 кніг-фіналістаў. Лаўрэаты прэміі будуць абвешчаныя да канца мая.
Арганізатарамі конкурсу з’яўляюцца Беларускі ПЭН-цэнтр, Саюз беларускіх пісьменнікаў, Пасольства Рэспублікі Польшча ў Рэспубліцы Беларусь, Польскі Інстытут у Мінску; фундатар узнагароды — «Ідэя Банк». Прэмія прысуджаецца штогод за найлепшую кнігу, напісаную на беларускай мове, у жанрах «мастацкая проза» і «эсэістыка».
Узнагароды: I месца — чэк на суму, якую кожны год вызначае «Ідэя Банк»; II месца — пераклад твора на польскую мову альбо творчая стыпендыя ў Доме творчасці пісьменнікаў, г. Вісбю, Готланд (Швецыя); ІІІ месца — творчая стыпендыя ў Вэнтспілсе (Латвія).
***
Папярэднімі лаўрэатамі прэміі Гедройца былі Павел Касцюкевіч («Зборная Рэспублікі Беларусь па негалоўных відах спорту»), Уладзімір Някляеў («Аўтамат з газіроўкай з сіропам і без»), Ігар Бабкоў («Хвілінка. Тры гісторыі»).