Łabarantka ŭ škole Miadzielskaha rajona vykrała ŭ dziaciej 16 młn rubloŭ
06.02.2015 / 18:54
Miadzielskim rajonnym addziełam Śledčaha kamiteta Biełarusi raspačata kryminalnaja sprava ŭ dačynieńni da 59-hadovaj žančyny, jakaja padazrajecca ŭ machlarstvie.
Jak paviedamiła aficyjny pradstaŭnik upraŭleńnia SK pa Minskaj vobłaści Taćciana Biełanoh, padazronaja, jakaja pracavała na pasadzie łabarantki i była nadzielenaja paŭnamoctvami na zbor hrašovych srodkaŭ z vučniaŭ na štomiesiačnaje charčavańnie ŭ stałovaj, naŭmysna zavyšała košt pa vypłatach. U vyniku bolš za 250 vučniaŭ škoły ź vieraśnia pa listapad minułaha hoda pierapłacili kala 16 miljonaŭ rubloŭ, jakimi niezakonna zavałodała žančyna.
U miežach spravy, jakaja rasśledujecca pa č. 1 art. 209 KK (machlarstva), ustanaŭlivajucca ŭsie abstaviny złačynstva, praviarajucca inšyja fakty supraćpraŭnaj dziejnaści.