U Maskvie zhareła dźvie traciny fondaŭ Instytuta słavianaznaŭstva

06.02.2015 / 10:32

Pažar u bibłijatecy Instytuta navukovaj infarmacyi pa hramadskich navukach (INIHN), jaki adbyŭsia ŭ noč na subotu, nazyvajuć surjoznym udaram dla suśvietnaj navuki. Namieśnica dyrektara INIHN Taćciana Rašetnik raskazała maskoŭskaj haziecie «Kommiersant», što kaštoŭnaja Hockaja bibłijateka i redkija staražytnyja vydańni ad pažaru nie paciarpieli, ale zahinuła dźvie traciny fondaŭ Instytuta słavianaznaŭstva. Zachavalisia pieravažna tolki polskamoŭnyja teksty. 

Ahoń pałychaŭ sutki. 

Tyja knihi, jakija nie zhareli, akazalisia zalityja vadoj. Dla namokłych knih hałoŭnaja pahroza — hrybok, tamu zaraz ich zamaroziać, kab jany nie zahinuli ad cvili.

Hł. taksama: U Maskvie zhareła bibłijateka, dzie raniej prachodzili biełaruskija mierapryjemstvy