Losavańnie ČS-2015 pa futzale adbyłosia ŭ Minsku

27.01.2015 / 20:23

U Minsku 27 studzienia adbyłosia losavańnie čempijanatu śvietu pa futzale 2015 hoda, jaki projdzie ŭ Biełarusi z 17 pa 25 krasavika. 

U cyrymonii ŭdzielničali Chulia Natarya, spartyŭny dyrektar Mižnarodnaj fiederacyi futzała, Vadzim Dzieviatoŭski, deputat Pałaty pradstaŭnikoŭ Nacyjanalnaha schodu Biełarusi, Alaksandr Šamko, ministr sportu i turyzmu, Ihar Karpienka, namieśnik staršyni Minharvykankama; Siarhiej Bujnoŭski, staršynia Biełaruskaj fiederacyi futzała. 

Vyniki losavańnia: 

hrupa A: Biełaruś, Uruhvaj, Braziłija, Aŭstrałija; 
hrupa V: Parahvaj, Bielhija, Narviehija, Maroka; 
hrupa S: Kałumbija, Čechija, Vieniesueła, Kiurasaa; 
hrupa D: Arhiencina, Rasija, Słavakija, Kyrhyzstan. 

Siarhiej Safonaŭ, pieršy namieśnik staršyni Biełaruskaj fiederacyi futzała: «Dobraja hrupa, dosyć mocnaja. Vychad u dalejšyja etapy budzie spałučany z vielmi surjoznaj pracaj. My chočam iści da finału. Nas čakajuć vielmi surjoznyja vyprabavańni, ale my hatovyja da ich. Na čempijanacie śvietu niama lohkich šlachoŭ. Kamanda rychtujecca, kamanda haryć žadańniem siabie pakazać i pradoŭžyć letašni pośpiech kantynientalny, kali my stali «załatymi» ŭ Prazie. Pieršy matč Biełaruś — Braziłija. Dobry pačatak čempijanatu!»

BiełaPAN