Minčuki A Hero Will Stand źniali «halivudski» klip VIDEA
Minski post-chardkor-hurt A Hero Will Stand patraciŭ blizu 8 tysiač dalaraŭ na klip da pieśni «Dreamcatcher» — i patraciŭ niedaremna.
27.01.2015 / 18:59
Karystalniki adznačyli vysokuju jakaść źniataha materyjału, niačastuju dla biełaruskaj niefarmalnaj sceny, piša Onliner.by. Muzyki ža spadziajucca, što klip zaŭvažyć sur’iozny łejbł.
Dziela hetaha chłopcy nie paškadavali srodkaŭ. Na 20 hadzin zdymak syšło 4 tysiačy dalaraŭ na pracu režysiora, apieratara i madelaŭ, stolki ža na abstalavańnie.
Hurt śćviardžaje, što im ŭžo pastupiła prapanova z Hiermanii.
Anhłamoŭnaja pieśnia «Dreamcatcher» raspaviadaje pra talisman «łaviec snoŭ», što zabiraje ŭ ludziej drennyja sny dy pakidaje tolki dobryja. U klipie dziaŭčyna nie moža znajści svoj šlach dy vyśviatlajecca, što jaje niama ŭ hetym śviecie. Hurt ža pravodzić rytuał, kab viarnuć jaje da žyćcia.
Hurt A Hero Will Stand utvaryŭsia ŭ 2010-2011 hodzie i z taho času šukaje łejbł. Debiutny albom hurta «Road to Victory» vyjšaŭ u 2012 hodzie. Internet-samotnik «Dreamcatcher» hurt vydaŭ u listapadzie 2013 hoda.