Twitter запусціў групавыя чаты і ўласны відэахостынг
У хуткім часе ў твітаран па ўсім свеце з’явіцца магчымасць запампоўваць відэа да 30 секунд і перапісвацца ў групавых чатах.
27.01.2015 / 18:20
Фота з сайта dradssolutions.com
Групавыя чаты прызначаныя для супольнай перапіскі, якую не хочацца рабіць публічнай. У адным чаце могуць знаходзіцца карыстальнікі, не падпісаныя адзін на аднаго.
Запампоўваць кароткія відэа на ўласны хостынг Twitter ужо маюць магчымасць уладальнікі iPhone і некаторыя верыфікаваныя карыстальнікі (вядомыя асобы, хто пацвердзіў «сапраўднасць» акаўнта).
Кіраўніцтва Twitter не ўдакладняе, калі менавіта новыя функцыі стануць даступныя карыстальнікам праз браўзер ды мабільныя праграмы апроч Twitter для iPhone.