Дэвід Бекхэм стварае свой уласны модны брэнд
10.12.2014 / 13:08
Славуты футбаліст з'яўляецца адным з самых стыльных мужчын у свеце, лічаць дзяўчаты з рэдакцыі «Cosmopolitan» (і ўздыхаюць).
Былы футбаліст разам са сваім дзелавым партнёрам Сайманам Фулерам падпісалі кантракт з ганконгскай кампаніяй Global Brands Group, якая прадстаўляе брэнды Calvin Klein, Tommy Hilfigher, Nike і іншыя.
«Мы не будзем ствараць толькі адзін брэнд. Стварэнне спартыўнай лініі або лініі ніжняй бялізны з Дэвідам было б выдатна, але мы хочам зрабіць больш», — сказаў выканаўчы дырэктар Global Brands Group Брус Раковітц.
Паводле Global Brands, рашэнне працаваць з Дэвідам і Сайманам з'явілася само па сабе: Бэкхэм з'яўляецца адным з самых вядомых спартоўцаў, а таксама іконай стылю. А разам з Фулерам яны глыбока разумеюць спажыўцоў.
Дарэчы, Бэкхэм не першы раз гуляў з моднай індустрыяй. Ён супрацоўнічаў між іншым з H&M, Adidas, Belstaff.
Калі мы зможам убачыць першую вопратку Дэвіда пакуль невядома.