Гран-пры «Прэс-фота-2013» атрымаў фатограф газеты «На страже»

Вячаслаў Цуранаў зрабіў унікальны рэпартаж з турмы для асабліва небяспечных злачынцаў.

18.06.2013 / 20:02

Вячаслаў Цуранаў здымаў на дне: у калоніі для асуджаных да пажыццёвага зняволення.

Сярод выдатных фотаў Цуранава мінулых гадоў — вось гэтае «Пачуцце мезенца».

18 чэрвеня адбылася цырымонія ўзнагароджання пераможцаў конкурсу.

Фатограф Вячаслаў Цуранаў атрымаў Гран-пры «Прэс-фота Беларусі 2013». Ён 11 год супрацоўнічае з газетай Міністэрства ўнутраных спраў «На страже». Лаўрэат міжнароднай прэміі «Залатая камера».

«Прэс-фота Беларусі» — конкурс фатографаў, якія працуюць у сферы медыя. Быў заснаваны ў 2009 годзе айчыннымі фотарэпарцёрамі. Праводзіцца штогод. У конкурсе прымаюць удзел супрацоўнікі як дзяржаўных, так і недзяржаўных СМІ.

У 2013 годзе аргкамітэт атрымаў больш за 2500 конкурсных здымкаў ад рэкорднай колькасці удзельнікаў — 114-ці. Пераможцы вызначаюцца ў 9-і рубрыках — «Навіны», «Паўсядзённае жыццё», «Спорт», «Рэпартажныя Партрэт», «пастановачныя Партрэт», «Мастацтва і забавы», «Прырода», «Традыцыі» і «мабілаграфія». У кожнай намінацыі ўзнагароджваліся як адзінкавыя здымкі, так і серыі работ.

Сярод пераможцаў конкурсу сёлета зноў аказаўся і фатограф «Нашай Нівы» Сяргей Гудзілін.

* * *

Больш пра вынікі конкурсу — пазней на «Нашай Ніве».

Nashaniva.com