Памерла дзяўчына, якая трапіла пад колы аўтамабіля каля філіяла БДУ

Яе збілі на пешаходным пераходзе два дні таму.

01.12.2012 / 15:09

30 лістапада, у 22.00, у рэанімацыі нейрахірургічнага аддзялення БСМП памерла 17-гадовая дзяўчынка, якая трапіла пад колы аўтамабіля каля філіяла БДУ.

Першакурсніца была дастаўлена ў бальніцу з цяжкімі траўмамі, у тым ліку і з пераломам асновы чэрапа. Дактары змагаліся за яе жыццё, ёй была праведзена складаная аперацыя. Амаль суткі яна правяла ў коме.

30 лістапада ў 22.00 Аня памерла. Ёй было 17 гадоў.

Нагадаем, аварыя адбылася 29 лістапада непадалёк ад філіяла БДУ, на нерэгуляваным пешаходным пераходзе на вуліцы Курчатава. Дзяўчына выйшла з аўтобуса на прыпынку грамадскага транспарту і сабралася перасякаць праезную частку, калі яе збіў Peugeot 406.

Кіроўца не змог патлумачыць, як гэта адбылося.