Загінулая ў аварыі шматдзетная маці Вольга Андрэева. Фота: скрын відэа ont.by

Загінулая ў аварыі шматдзетная маці Вольга Андрэева. Фота: скрын відэа ont.by

Аварыя адбылася 24 верасня 2023 года ля вёскі Муляраўка, Петрыкаўскага раёна. У легкавік 38-гадовай Вольгі Андрэевай урэзаўся грузавік. Яго 59-гадовы кіроўца быў нападпітку. Жанчына памерла па дарозе ў бальніцу.

Вольга Андрэева з Муляраўкі. Яна шматдзетная маці. У яе 8 дзяцей: шасцёра непаўналетнія, двое дарослыя.

Трагічная смерць жанчыны шакавала жыхароў вёскі.

У 2017 годзе Вольга дамагалася, каб у выдзеленым дзяржавай яе сям’і доме наладзілі ацяпленне. Калі скаргі чыноўнікам не далі плёну, то пазваніла на прамую лінію БТ. З тэлевізійнага рэпартажу стала вядома, што шматдзетная сям’я Вольгі тры гады мерзла ў доме. Тэмпература ледзь дацягвала да 12 градусаў. Пасля крытыкі па тэлебачанні сістэму ацяплення адрамантавалі.

Па словах землякоў, прыклад Вольгі ў адстойванні правоў пазней перанялі іншыя жыхары пасёлка.

Машына Вольгі Андрэевай пасля аварыі. Удар грузавіка, які імчаў з хуткасцю 85 кіламетраў на гадзіну, прыйшоўся ў месца кіроўцы легкавіка. Шанцы выжыць у жанчыны былі надта малыя. Фота: prokuratura.gov.by

Машына Вольгі Андрэевай пасля аварыі. Удар грузавіка, які імчаў з хуткасцю 85 кіламетраў на гадзіну, прыйшоўся ў месца кіроўцы легкавіка. Шанцы выжыць у жанчыны былі надта малыя. Фота: prokuratura.gov.by

У Муляраўцы кажуць, што ўчастак шашы, дзе адбылася аварыя, праклятае месца. На ім часта здараюцца трагедыі. Адна з апошніх адбылася ў канцы года.

Вінаватаму ў смерці Вольгі прысудзілі 6 гадоў калоніі агульнага рэжыму з пазбаўленнем права кіраваць транспартнымі сродкамі на 8 гадоў.

Петрыкаўскі суд абавязаў уладальніка машыны, якой было ўчыненае дарожна-транспартнае здарэнне, кампенсаваць мужу загінулай маральную шкоду ў суме 50 тысяч рублёў.

Вырак быў агучаны 17 студзеня. Прысуд яшчэ не набыў моцы. Сябе мужчына прызнаў вінаватым часткова.

Глядзіце таксама:

«Суп вару маленькімі порцыямі — па 8 літраў». Як жыве сямʼя, у якой 15 дзяцей

Выйшла на волю шматдзетная маці Іна Панова 

«Усё добра, быў званок з вышэйстаячых органаў». Чавуская тыктокерка ў барацьбе з мясцовымі ўладамі дасягае поспехаў

Шматдзетная маці просіць Лукашэнку вярнуць ёй дочак

Клас
0
Панылы сорам
2
Ха-ха
0
Ого
0
Сумна
9
Абуральна
2

Хочаш падзяліцца важнай інфармацыяй ананімна і канфідэнцыйна?