У групе І зборная Беларусі ў Прышціне перамагла Косава з лікам 1:0. Адзіны мяч у сустрэчы на 43-й хвіліне забіў форвард БАТЭ Дзмітрый Анцілеўскі.

У першым кругу ў чэрвені беларусы таксама перамаглі касавараў, толькі тады лік быў 2:1. І гэта быў апошні матч пад кіраўніцтвам галоўнага трэнера Георгія Кандрацьева.

Сёння Румынія перамагла Швейцарыю 1:0, а Ізраіль у гасцях Андору 2:0.

Пасля 10 тураў: Румынія — 22, Швейцарыя — 17, Ізраіль — 15, Беларусь — 12, Косава — 11, Андора — 2.

Зборная Беларусі, якую з жніўня ўзначальвае іспанец Карлас Алос, фінішавала на 4-м месцы.

За 30 гадоў незалежнасці зборная Беларусі ні разу не гуляла ў фінальных стадыях чэмпіянатаў Еўропы і свету.

У каманды тры перамогі (апроч перамог над Косава, дадалася перамога (1:0) у мінулую суботу над Андорай),

тры нічыі: Андора (0:0), Румынія (0:0), Швейцарыя (3:3),
чатыры паразы: Швейцарыя (0:5), Румынія (1:2), Ізраіль (1:2, 0:1).

Пры Карласе Алосе беларусы набралі 9 балаў (дзве перамогі, прычым у двух апошніх матчах, тры нічыі, адна параза),

падчас кіравання Георгія Кандрацьева, з з якім пачыналі турнір, набралі ўсяго тры балы (адна перамога, тры паразы).

Наступныя два афіцыйныя матчы зборная Беларусі правядзе ў сакавіку 2024 года.

Гэта будуць стыкавыя дуэлі супраць зборнай Літвы за права застацца ў дывізіёне С турніру «Ліга нацый».

Першы паядынак пройдзе ў Літве 24 сакавіка, напярэдадні Дня волі. Матч у адказ — 29 сакавіка, хутчэй за ўсё, на нейтральным полі. 

Каманда, якая прайграе па суме дзвюх гульняў, вылеціць у дывізіён слабакоў D, дзе будзе целяпацца з такімі зборнымі, як Андора, Гібралтар, Латвія, Ліхтэнштэйн, Мальта, Сан-Марына.

Чытайце таксама:

Ніякіх дасягненняў, затое досвед працы ў аўтарытарызме. Расказваем пра новага трэнера футбольнай зборнай Беларусі

Каманда Расіі феерычна размалола зборную, якая буцы купіла перад гульнёй ва ўнівермагу

Грузія, Казахстан і нават Люксембург маюць рэальны шанец прабіцца на Еўра-2024

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?