Мікалай Кабрынец. Фота: МЗС Расіі

Мікалай Кабрынец. Фота: МЗС Расіі

Кіраўнік дэпартамента агульнаеўрапейскага супрацоўніцтва Міністэрства замежных спраў Расіі Мікалай Кабрынец быў знойдзены мёртвым у сваім гатэльным нумары ў раёне Таксім (Стамбул), піша «Украінская праўда».

Дыпламат прыехаў у Стамбул на сустрэчу паслоў. Калегі расіяніна спрабавалі да яго датэлефанавацца пасля таго, як той не прыйшоў на ранішнюю сустрэчу. Пасля гэтага супрацоўнікі гатэля зайшлі ў нумар Кабрынца і знайшлі яго цела.

Паводле папярэдніх звестак следства, Кабрынец памёр ад сардэчнага прыпадку. Яго цела даставілі ў морг для высвятлення дакладнай прычыны смерці.

Прэс-служба МЗС РФ пацвердзіла звесткі пра смерць Кабрынца, аднак не ўдакладніла, што стала прычынай.

Клас
9
Панылы сорам
0
Ха-ха
4
Ого
4
Сумна
4
Абуральна
2