Ілюстрацыйны здымак, Фота: Onliner

Ілюстрацыйны здымак, Фота: Onliner

Справа была такая. С. разам з сямʼёй жыла ў кватэры ў аграгарадку Стралічава Хойніцкага раёна. У 2013-м жанчына вырашыла змяніць свой лёс: вярнула ключы ад жылля, зверыла з ЖКГ лічыльнікі і аплату за камуналку і пераехала ў Мінскую вобласць. Жыла сабе і працавала. Як раптам у дзверы пастукалі. 

Аказалася, што стралічаўскія камунальнікі вырашылі выставіць жанчыне рахункі за 2018—2022 гады. «Камуналку» выставілі ў памеры 2261 рублі, пеня — яшчэ 2424 рублі. Усяго — 4685 рублёў. Больш за тое, гэтыя грошы з ашаломленай жанчыны нават змаглі ўтрымаць. 

Аднак сёлета гэты загадкавы выпадак трапіў на разгляд пракуратуры Хойніцкага раёна. Высветлілася, што ў перыяд, за які з С. спагналі запазычанасць, жанчына ў кватэры сапраўды не жыла. Зʼехаўшы ў Мінскую вобласць, яна ўжо там складала дамовы найму жылых памяшканняў і рэгістравалася ў адпаведнасці з патрабаваннямі заканадаўства. Акрамя гэтага, высветлілі, што пасля адʼезду С. з кватэры жыллё прадастаўлялася для пражывання іншым грамадзянам. 

— З выездам С. з сямейнікамі з кватэры ў аг. Стралічава дамова найму была скасавана, падстаў для налічэння платы за паслугі ЖКГ і іншых плат не было», — тлумачаць у пракуратуры. — Таму пракурор Хойніцкага раёна звярнуўся ў раённы суд з іскам у інтарэсах С. аб спагнанні на карысць С. неабгрунтаваных налічэнняў з прадпрыемства. 

Прадпрыемства з такім паваротам не пагадзілася. Там сцвярджаюць, што пры выездзе з кватэры С. не перадала наймадаўцу жыллё па акце прыёму-перадачы. Менавіта гэта і паслужыла падставай для налічэння платы. 

Аднак рашэннем суда Хойніцкага раёна пазоў пракурора раёна ў інтарэсах жанчыны быў задаволены ў поўным абʼёме. Судовая пастанова набыла законную моц.

Чытайце таксама:

Гродзенцы ад світанку выстройваюцца ў чэргі, каб набыць новыя кватэры ад дзяржзабудоўшчыка. У чым прычына?

Іншаземцы раскупляюць беларускую нерухомую маёмасць

На беразе вадасховішча Дразды пабудавалі незвычайны будынак. Што ў ім

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?