Пятро Старацітараў. Фота: сацыяльныя сеткі

Пятро Старацітараў. Фота: сацыяльныя сеткі

Бізнэсоўца, стваральніка групы кампаній «Лотас» Пятра Старацітарава, супрацоўнікі ГУБАЗіК затрымалі 6 лютага 2023 года. Блізкі да міліцыі тэлеграм-канал выклаў відэа з яго ўдзелам. Тая ж крыніца паведаміла, што затрыманы «абражаў прэзідэнта», «распальваў сацыяльную варожасць» і «адкажа па строгасці закона», піша Радыё Свабода.

Як стала вядома Свабодзе, нагодай для затрымання Пятра Старацітарава сталі рэпосты, якія ён рабіў на сваёй старонцы ў фэйсбуку, у гэтым следства і суд убачылі склад крымінальных злачынстваў.

Старацітарава судзілі адразу па некалькіх артыкулах:

  • распальванне варожасці (частка 1 артыкула 130 КК РБ),
  • заклікі да санкцый (ч. 3 арт. 361 КК РБ),
  • паклёп у дачыненні да Аляксандра Лукашэнкі (ч. 1 арт. 367 КК РБ),
  • абраза Аляксандра Лукашэнкі (ч. 1 арт. 368 КК РБ),
  • дыскрэдытацыя Рэспублікі Беларусь (арт. 369-1 КК РБ).

Суддзя Гомельскага абласнога суду Яўген Шаршнёў пакараў абвінавачанага 5 гадамі пазбаўлення волі ў калоніі агульнага рэжыму.

У СІЗА стан здароўя Пятра Старацітарава значна пагоршыўся. Да затрымання ён меў хранічныя захворванні, у тым ліку бранхіяльную астму і артэрыяльную гіпертэнзію. У СІЗА ў яго здарыўся інсульт. Увесь час да суда ён утрымліваўся ў медычнай частцы СІЗА.

Пятро Старацітараў нарадзіўся ў вёсцы Церахоўка Добрушскага раёна, скончыў універсітэт у Крывым Розе ва Украіне па спецыяльнасці «цывільнае і прамысловае будаўніцтва». Старацітараў на момант заканчэння ВНУ быў адзіны, хто атрымаў чырвоны дыплом.

Пасля вучобы вярнуўся ў Беларусь, працаваў у будаўнічай сферы. У 90-х разам з сябрамі стварыў кампанію «Лотас». У асноўным яна займалася будаўніцтвам, таксама мэблевай вытворчасцю. Кампанія выпускае жалезабетонныя вырабы, газасілікатныя блокі. «Лотас» мае свой кар’ер у Мазырскім раёне і філіялы ў Расіі. Кампанія супрацоўнічала ў тым ліку з Мазырскім нафтаперапрацоўчым заводам. Да 2016 году Пятро Старацітараў уваходзіў у «Топ-50» самых багатых бізнэсоўцаў гомельскага рэгіёна.

«Ён вельмі адукаваны, кампетэнтны будаўнік і кіраўнік. Забяспечыў людзей працоўнымі месцамі. Раней на прадпрыемстве было 1200 працаўнікоў. Увесь свой час ён аддаваў працы, ад рання да змяркання. Пятро Старацітараў ахвяраваў грошы на будаўніцтва цэркваў. Напрыклад, у вёсцы Перароў Жыткавіцкага раёну. Дапамагаў людзям, і таксама пералічваў грошы на дапамогу жывёлам», — кажа крыніца Свабоды.

Чытайце таксама:

У Баранавічах чалавека асудзілі за чатыры падабайкі пад карыкатурамі на Лукашэнку

Філосафа Уладзіміра Мацкевіча перавялі пасля аперацыі з бальніцы назад у турму

За ўдзел у акцыях пратэсту ў Мінску асудзілі мужа і жонку Тарасевічаў, суд чакае іх дачку

Клас
0
Панылы сорам
3
Ха-ха
2
Ого
0
Сумна
6
Абуральна
26