Падазраваныя — прадстаўнікі афіцыйна зарэгістраванай фірмы «Белбытвентыляцыя», якая спецыялізуецца на чыстцы і ўборцы будынкаў, прамысловых машын і абсталявання.
Па інфармацыі следства, з ліпеня 2020 года па снежань 2021-га работнікі кампаніі прапаноўвалі мінчукам паслугі па ачыстцы сістэмы вентыляцыі. Часцей за ўсё яны выбіралі кватэры, дзе жывуць пажылыя людзі.
Махляры пераконвалі пенсіянераў, што паслугу аказвае дзяржаўная арганізацыя, а чыстка вентыляцыі абавязковая для ўсіх кватэр. У некаторых выпадках падазраваныя прадстаўляліся работнікамі ЖЭС і іншых дзяржструктур. Калі ж пенсіянеры не згаджаліся на дарагую паслугу, то іх палохалі прыцягненнем да адміністрацыйнай адказнасці з боку МНС.
У выніку гараджане згаджаліся і падпісвалі дамовы. Пасля ачыстку сістэмы вентыляцыі праводзілі звычайным пыласосам, а праверку цягі − аркушам звычайнай паперы.
Кошт сэрвісу вагаўся ад 135 да 175 рублёў. Усяго следчыя вызначылі больш за тысячу пацярпелых, а сума шкоды перавысіла 175 тысяч рублёў.
Супраць падазраваных заведзеная крамінальная справа па ч. 2 арт. 209 КК («махлярства, здзейсненае групай асоб»).
Чытайце таксама:
Беларусбанк папярэдзіў, што ад яго імя дзейнічаюць махляры
У Бялынічах работніца дома-інтэрната крала грошы з картак старых і інвалідаў
