Вераніка Крылова посціць фота з Фларыды

Вераніка Крылова посціць фота з Фларыды

У Пружанах Вераніка Крылова займала пасаду кіраўніка Дзіцячай школы мастацтваў імя Шырмы.

Яе імя звязваюць з рэпрэсіямі з-за двух выпадкаў.

У школе мастацтваў працавала прыбіральшчыцай Людміла Царану. Улетку 2020 года яна ўдзельнічала ў ланцугах салідарнасці. 6 мая 2021-га жанчыну асудзілі на 1,5 года хатняй хіміі за рэпост запісу аб мясцовым участковым. Людмілу судзілі па артыкуле 188 Крымінальнага кодэкса (паклёп).

Падчас знаходжання на хатняй хіміі начальніца Крылова, па словах Царану, прымушала яе падпісаць заяву на звальненне па дамове бакоў. Магчыма, такі ціск яна ажыццяўляла па ўказанні зверху.

Наступствам такога звальнення магла быць замена прызначанага пакарання на больш строгае — пазбаўленне волі (артыкул 55 Крымінальнага кодэкса).

Крылова выпісала на падначаленую два дысцыплінарныя спагнанні — за недастатковы кантроль за дысцыплінай (у выніку чаго дзеці пашкодзілі трубу ў прыбіральні) і за адсутнасць запісу ў кнізе ўліку працоўнага часу. Але ў абавязкі прыбіральшчыцы не ўваходзіць кантроль за дысцыплінай навучэнцаў на перапынках (згодна з пастановай Міністэрства працы і сацыяльнай абароны ад 08.10.2020 №83).

Дакумент за подпісам Крыловай аб накладанні дысцыплінарнага спагнання ад 19.01.2022 на Людмілу Царану

Дакумент за подпісам Крыловай аб накладанні дысцыплінарнага спагнання ад 19.01.2022 на Людмілу Царану

Дакумент за подпісам Крыловай аб накладанні дысцыплінарнага спагнання ад 27.01.2022 на Людмілу Царану

Дакумент за подпісам Крыловай аб накладанні дысцыплінарнага спагнання ад 27.01.2022 на Людмілу Царану

«Падчас адбывання пакарання — з 07.07.2021 па 07.01.2023 — Крылова ўжывала ў адносінах да мяне псіхалагічны і маральны ціск, прымушала мяне звольніцца па ўласным жаданні. Пасля маёй адмовы вынесла мне вымову і спагнанне, каб звольніць па артыкуле. Яе сістэматычны ціск на мяне прывёў да таго, што я ад роспачы спрабавала скончыць жыццё самагубствам. Больш за месяц я правяла ў дыспансеры [псіхічнага здароўя] «Магілёўцы». Цяпер яшчэ праходжу лячэнне ад дэпрэсіі цяжкай формы. Дзякуючы дапамозе «Байсол», я была эвакуіравана з Беларусі і цяпер знаходжуся ў бяспецы», — напісала Людміла Царану ў лісце да журналістаў і праваабаронцаў.

Ліст Людмілы Царану да журналістаў і праваабаронцаў

Ліст Людмілы Царану да журналістаў і праваабаронцаў

Таксама Вераніка Крылова праходзіла як пацярпелая па справе палітвязняволенага гітарыста «Крамбамбулі» Уладзіслава Плюшчава.

Усяго па справе прызналі пацярпелымі 43 чалавекі.

Музыку абвінавацілі па трох артыкулах Крымінальнага кодэкса: арт. 369 (знявага прадстаўніка ўлады), арт. 188 (паклёп), ч. 3 арт. 203-1 (незаконныя дзеянні ў адносінах да інфармацыі аб прыватным жыцці і персанальных даных).

Уладзіславу прысудзілі тры гады пазбаўлення волі ў калоніі ва ўмовах агульнага рэжыму.

Як стала вядома «Нашай Ніве», цяпер Вераніка Крылова жыве ў штаце Фларыда. У фэйсбуку жанчыны пазначаны горад Сані-Айлс-Біч, які празвалі «маленькай Масквой», бо там шмат рускамоўных.

Вераніка Крылова. Фота: сацсеткі

Вераніка Крылова. Фота: сацсеткі

Сёлета мэрам Сані-Айлс-Біч стала эмігрантка з Беларусі Ларыса Свечын.

Іншыя сацсеткі — старонка «УКантакце», а таксама інстаграм — у Веранікі Крыловай закрытыя. 

Скрын з сацсетак

Скрын з сацсетак

«Наша Ніва» звярнулася да Веранікі Крыловай у сацсетках з просьбай пракаментаваць яе пераезд у ЗША, але на момант публікацыі адказу ад яе не атрымала. 

Мяркуючы па фэйсбуку, у ЗША Вераніка Крылова пераехала ў канцы лютага 2023-га. Па інфармацыі «Нашай Нівы», яна магла цікавіцца тым, як атрымаць у ЗША палітычны прытулак. У Амерыцы ў яе, наколькі вядома, жыве дачка.

Лукашэнкаўцы пры гэтым малююць ЗША як цэнтр сусветнага зла, краіну, якая дэградуе і дзе простыя людзі жывуць усё горш.

Чытайце таксама: 

Музыку «Крамбамбулі» Уладзіславу Плюшчаву прысудзілі два гады калоніі

Палітзняволеная Ларыса Кузьменка выйшла на волю. У яе была клаўстрафобія

Колькі палітвязняў памерла ці звяло рахункі з жыццём праз невыносныя ўмовы за кратамі

Былога прэсавага сакратара Купалаўскага тэатра дапытвалі па справе «аб дзяржздрадзе»

Клас
5
Панылы сорам
17
Ха-ха
9
Ого
8
Сумна
14
Абуральна
208

Хочаш падзяліцца важнай інфармацыяй ананімна і канфідэнцыйна?