Перамовы каля аднаго з уваходаў у «Азоўсталь». Фота: Аляксандр Кавалёў

Перамовы каля аднаго з уваходаў у «Азоўсталь». Фота: Аляксандр Кавалёў

Перамовы пачаліся 25 мая 2022 года. З украінскага боку іх вёў народны дэпутат, член дэпутацкай групы «Давер» Аляксандр Кавалёў, у якога ёсць кантакты ў ФСБ. Па словах дэпутата, кіравала аперацыяй Галоўнае ўпраўленне разведкі і асабіста яго кіраўнік Кірыл Буданаў.

Ад Расіі перагаворамі кіравала двое генералаў-разведчыкаў — генерал-лейтэнант Уладзімір Аляксееў і генерал-маёр Аляксандр Зорын. Абодва нарадзіліся ва Украіне.

25 красавіка Кавалёў здзейсніў першую паездку ў Марыупаль. Там у яго была размова з былым агентам СБУ Валянцінам Крыжаноўскім, які ў 2014 годзе здрадзіў Украіне і перакінуўся ў ФСБ, і генерал-лейтэнантам арміі РФ Андрэем Сычовым, які кіраваў штурмам Марыупаля. Доказ гэтай размовы — фота ўнізе.

  Злева направа: Кавалёў, Сычоў, Крыжаноўскі. Марыупаль, 27 красавiка 2022

Злева направа: Кавалёў, Сычоў, Крыжаноўскі. Марыупаль, 27 красавiка 2022

Як сцвярджае нардэп, ён дапамог пераканаць «іншы бок, што выратаванне, у першую чаргу дзяцей, жанчын і параненых, будзе актам здаровага розуму, актам гуманізму».

CNN нагадала, што ў пачатку мая ААН і Чырвоны Крыж эвакуіравалі сотні грамадзянскіх асоб з «Азоўсталі» і іншых раёнаў Марыупаля. 7 мая віцэ-прэмʼер-міністр Ірына Верашчук заявіла, што «ўсе жанчыны, дзеці і старыя» былі бяспечна вывезены з металургічнага камбіната. Але вайскоўцы на заводзе засталіся, і расійскія абстрэлы пачаліся зноў.

9 мая Кавалёў вярнуўся ў Марыупаль на другі раўнд перагавораў, але гэтым разам не адзін, да яго далучыўся першы намеснік Буданава Дзмітрый Усаў. Цяпер яны размаўлялі ўжо непасрэдна з галоўнымі перамоўшчыкамі ад РФ Аляксеевым і Зорыным.

Па словах Кавалёва, Аляксееў увесь час рабіў перапынкі ў перамовах, каб патэлефанаваць у Маскву. У яго была прамая сотавая сувязь з Міністэрствам абароны РФ.

На 16 мая быў арганізаваны трэці візіт у Марыупаль, падчас якога адбылася сустрэча расійскіх генералаў з украінскімі афіцэрамі. Адзін з іх — кіраўнік батальёна «Азоў» падпалкоўнік Дзяніс Пракапенка.

«Гэта быў момант ісціны. Калі мы зрабілі ўсё, каб два бакі сышліся, паглядзелі адзін аднаму ў вочы, расійскі бок паабяцаў, што будзе цывілізаванае выйсце для нашых салдат», — распавёў Кавалёў.

Нардэп паведаміў, што ўмовы расіян былі простыя: украінскія вайскоўцы спыняюць баявыя дзеянні, здаюць завод і здаюцца ў палон. Затым — цывілізаваныя ўмовы ўтрымання ўкраінскіх ваеннапалонных і абмен.

Па словах Кавалёва, дамоўленасць аб бяспечным выхадзе ўкраінскіх байцоў была выканана дакладна. Пазней у той жа дзень найбольш цяжка параненых вынеслі з завода на насілках.

16 мая ўвечары Мінабароны Украіны абвясціла аб пачатку эвакуацыі ўкраінскіх вайскоўцаў з «Азоўсталі». На наступны дзень, 17 мая, бясконцы паток украінскіх салдат пачаў свой выхад у палон. Многія на мыліцах або насілках, некаторыя сурʼёзна пакалечаныя.

Чытайце таксама:

Расійскія СМІ публікуюць відэа здачы ў палон параненых абаронцаў Марыупаля з «Азоўсталі»

«Крэпасць Марыупаль. Апошні дзень на «Азоўсталі» ВІДЭА

«Да нас ставіліся, як да жывёл». Вядомы абаронца «Азоўсталі» расказаў пра ўмовы ў расійскім палоне

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?